((ماكل من يضحك سعيد بدنياه.. وماكل من يضحك دموعه حزينه

[محمد الرويلي]

 

ياويل قلبي كل مااشتقت لقياه..
وشلون ماتشتاق عيني لعينه..

أنا أدري إني حيل أحبها وأهواه..
وأنا أدري إن القلب صار بيدينه..

حاولت أنا أكتم عبرتي يوم فرقاه..
وألملم جروح الزمان الطعينه..

وأضيع به في زحمة الناس وأنساه..
وأنسى معه ذكرى السنين وحنينه..

لقيت نفسي كل ما حل طرياه..
عروق قلبي كلها تقول وينه..

((ماكل من يضحك سعيد بدنياه..
وماكل من يبكي دموعه حزينه))..

أحدن بكى والكل يدري عن بكاااااه..
وأحدن مع الضحكه تحس بونيييينه..

ياشين فرقى الأم وياشين حزناه..
والمشكلة دنيا بلا ام شينه..

كن الفضا في غيبته ضاق مسعاه..
وكني غريق ينتظر له سفينه..

شف دنيتي ياخيه عقب فرقاه..
مثل الظلام اللي حصل بالمدينه..

باكتبه أنا في صفحة الشعر وأقراه..
وباذبحه بزود الغلا دون سكينه..

وبارسمه في لوحة الشعر وانعاه..
وبادفنه بين الضلوع الحنينه..

بوسط الحشا في داخل الصدر مثواه..
إما يسار القلب وإلا يمينه..

محمد الرويلي

[بسمه خجل]

 

محمد ابداع
وتميز
تالق
دمت متميزا ومبدعا وكتالقا
تقبل مروري

[محمد الرويلي]

 

المشاركة الأصلية كتبت بواسطة بسمه خجل

محمد ابداع
وتميز
تالق
دمت متميزا ومبدعا وكتالقا
تقبل مروري

يسلموووووو على مرورك العطر ودمتم بود

[خجولة المبسم]

 

مرراا نايس

تقبل مرووري